Kuri uyu wa Kane, Minisiteri y’ingabo ya Armenia yatangaje ko inkongi y’umuriro mu kigo cya gisirikare mu mujyi wa Azat yahitanye abasirikare 15 abandi batatu barakomereka bikabije .
Mu itangazo rigufi, Minisiteri y’Ingabo yemeye aya makuba: “Dukurikije amakuru y’ibanze, abasirikare 15 bapfuye bazize inkongi y’umuriro yadutse mu kigo cya kompanyi y’aba injeniyeri na ba mudahusha (sniper) b’umutwe wa gisirikare.”
Iri tangazo ryongeyeho riti: “abasirikare batatu bakomeretse bikomeye.”
Abashinzwe iperereza baracyagerageza kumenya icyateye iyi nkongi y’umuriro, yatangiye mu ma saa 21h30 ku isaha ngengamasaha kuri uyu wa Gatatu nk’uko tubikeha Deutshe Welle.
Igihugu cya Armenia, gituwe n’abaturage bagera kuri miliyoni eshatu, kiracyakira ibikomere byo mu ntambara iteye ubwoba yagihuje na Azerbaijan mu 2020 yakiviriyemo gutsindwa bikomeye n’imvururu za politiki.
Amakimbirane hagati y’ibi bihugu ku mipaka yabyo akomeje kwiyongera nubwo imirwano yagutse yarangiye.
