Minisiteri y’Ubuzima mu Rwanda kuri uyu wa 15 Ugushyingo 2020 yatangaje ko abagabo batatu bishwe n’icyorezo cya Covid-19. Ni mu gihe muri rusange, abanduye biyongereyeho 61 mu bipimo 1449 byafashwe.
Aba bagabo barimo umwe wari ufite imyaka 36 y’amavuko, uw’imyaka 62 n’undi w’imyaka 85, bakaba bapfiriye muri Rwamagana.
Umubare w’abanduye uyu munsi, wazamuwe cyane n’abantu 55 bagaragayeho iki cyorezo mu bapimwe muri Gereza ya Nyarugenge.
Abandi banduye ni: 4 muri Bugesera, 1 muri Rwamagana n’undi w’i Nyamagabe.
