Umuntu yitwaje imbunda mu gihugu cya Brazil kuri uyu wa kabiri, itariki 11 Ukuboza yarasiye abantu muri Cathedral y’i Campinas, yica abantu bane akomeretsa abandi bane imbere yuko yiyica.
Abayobozi b’iyi cathedral kimwe n’igipolisi bose bavuga ko batazi imyirondoro y’uyu mugabo warashe ndetse nicyamuteye gukora ubu bwicanyi.
Umujyi wa Campinas muri Brazil uherereye mu bilometero ijana ugana mu majyaruguru y’Umujyi wa Sao Paulo nk’uko iyi nkuru dukesha VOA ikomeza ivuga.
Ni mu gihe ubusanzwe igihugu cya Brazil gisanzwe kizwiho kubamo abakirisitu benshi gaturika ndetse kikaba kinazwiho kuberamo ubwicanyi bwa hato na hato nk’uko imibare ya Loni ivuga.
Gusa, ngo ubu bwicanyi bwo kurasa abantu benshi mu kivunga bwo ntibukunze kumvikana.
