Umuryango w’Abanyamulenge baba mu gihugu cy’u Burundi, “SHIKAMA”, urasaba uruhare rwa Repubulika ya Demokarasi ya Congo n’Umuryango Mpuzamahanga kugira ngo abagize uruhare mu bwicanyi bwakorewe Abanyamulenge mu Gatumba i Burundi bashyikirizwe ubutabera.
Ubu butumwa bwatanzwe kuri uyu wa Gatandatu ushize, itariki ya 13 Kanama 2022, na perezida w’Umuryango w’Abanyamulenge Jean Schohier Muhamiriza mu muhango wo Kwibuka ku nshuro ya 18 Ubwicanyi bw’i Gatumba.
Jean Schohier Muhamiriza aricuza kuba kuva ubwo bwicanyi bwakorwa mu 2004, nta ngamba zifatika zafashwe kugira ngo abakoze ibyaha bashyikirizwe ubutabera nyamara abicanyi bazwi.
Ni yo mpamvu asaba amahanga kubahiriza amasezerano y’ubutabera yahawe abakozweho n’ubwo bwicanyi bwa Gatumba nyuma yo kuba.
Jean Schohier Muhamiriza kandi arahamagarira guverinoma ya Repubulika ya Demokarasi ya Congo guhagarika ibitero bikomeje kwibasira Abanyamulenge no kwita ku bihumbi by’abaturage bavanwe mu byabo babayeho nabi muri Minembwe, Mikenge na Bijombo.
“Kugarura umutekano kugira ngo abavanwe mu byabo n’impunzi basubire mu ngo zabo. Amakuru aturuka muri Fizi yerekana ko abasivili b’Abanyamulenge hafi 1.000 bishwe kuva muri Mata 2017 kugeza na nubu, inka 450.000 zasahuwe, amashuri 147 n’ibigo nderabuzima 57 birasenywa. Abagore benshi nabo bafashwe ku ngufu. Aba bahohotewe bose bafite uburenganzira ku butabera, ” uyu ni Jean Schohier Muhamiriza avugana na Kivutimes dukesha iyi nkuru.
Umwe mu barokotse ubwo bwicanyi bw’i Gatumba wari uri muri uwo muhango, yibuka ibintu bibabaje ibyabaye muri iki gihe. Mugabe Jean de Dieu atekereza ko igihe kigeze ngo ubutabera buhane abakoze ubwo bwicanyi bwa Gatumba kugira ngo bahagarike kudahana.
Ku ruhande rwe, uwahoze ari Guverineri wa Kivu y’Amajyepfo, Marcelin Chishambo atekereza ko ari ngombwa kwizihiza uyu munsi ariko udakwiye kuba nka ‘slogan’.
Yerekana ko kwibuka bidakwiye kuguma ku munsi umwe wo ku ya 13 Kanama ahubwo ko hashakishwa ubundi buryo bwo kuzana ubutabera no kugira uruhare muri uru rubanza.
Uwari uhagarariye guverineri muri uyu muhango, Byabagabo Nkubana, komiseri w’intara ushinzwe ubutabera yahamagariye umuryango w’Abanyamulenge kubaho no kubana mu mahoro.
