Umunyarwanda Mugisha Moïse yegukanye agace ka mbere k’irushanwa ry’amagare rya Grand Prix Chantal Biya riri kubera muri Cameroon.
Aka gace ko kuzenguruka umujyi wa Douala kari kagizwe n’ibilometero 95.9. Abakinnyi bagatangiye saa yine ku masaha yo mu Rwanda.
Mugisha Moïse wegukanye aka gace ari mu bagize ikipe y’u Rwanda (Team Rwanda).
Uko basiganwe n’ibihe bakoresheje
1. Mugisha Moïse wa Team Rwanda, yakoresheje amasaha 2, iminota 15 n’amasegonda 41.
2. Tientcheu Michel wa SNH Vello Club yo muri Cameroon, na we yakoresheje amasaha abiri, iminota 15 n’amasegonda 41.
3. Kuere Nounawe Rodrigue Eric wa Cameroun, yakoresheje amasaha 2, iminota 16 n’amasegonda 25.
4. Sorgho W. Mathias wa Burkina Faso na we yakoresheje amasaha 2, iminota 16 n’amasegonda 25.
Kuva kuri Kuere Nounawe wa gatatu kugeza kuri Mumbere Kyalire Chance wo muri Repubulika ya Demukarasi ya Congo waje ku mwanya wa 31, bose banganyije ibihe.
Undi Munyarwanda waje hafi muri aka gace ni Munyaneza Didier uri ku wa 7, akaba yakoresheje ibihe bimwe n’iby’iki gikundi cyagereye ku murongo wa nyuma (Finish Line) rimwe na Kuere Nounawe.
Munyaneza Didier yakurikiwe na Uhiriwe Byiza Renus, Mugisha Samuel aza ku mwanya wa 10, Areruya Joseph aza ku wa 13.
Urutonde rugaragaza uko abakinnyi bose bakurikiranye
Mugisha Moïse wegukanye aka gace
Mbere y’uko agace ka mbere gatangira, abakinnyi ba Team Rwanda babanje gusenga
Imiterere y’inzira banyuzemo yo zenguruka Douala
Amafoto: Cycling Rwanda
2 Responses
Cameroon: Umunyarwanda yegukanye agace ka mbere ka GP Chantal Biya (Amafoto)
MANA WE!BARIYA BATURAGE BO MURI CAMEROUN BASHUNGEREYE NTA NA GAPFUKAMUNWA !!!!!!!
Cameroon: Umunyarwanda yegukanye agace ka mbere ka GP Chantal Biya (Amafoto)
MANA WE!BARIYA BATURAGE BO MURI CAMEROUN BASHUNGEREYE NTA NA GAPFUKAMUNWA !!!!!!!