Tombola y’uko amakipe azahura mu matsinda ya UEFA Champions league, yasize Manchester United itomboye itsinda ririmo Bayern Munich, na ho PSG yisanga mu tsinda ryafashwe nk’iry’urupfu.
Ni tombola yabaye ku mugoroba wo kuri uyu wa Kane tariki ya 31 Kanama 2023.
Manchester United yisanze mu tsinda rya mbere ririmo amakipe ya Bayern Munich, FC Copenhagen yo muri Denmark na Galatasaray yo muri Turkiya.
Itsinda rya gatatu ririmo Napoli yatwaye igikombe cya shampiyona y’u Butaliyani, Real Madrid yabaye iya kabiri muri shampiyona ya Espagne, Braga yo muri Portugal na Union Berlin yo nu Budage.
Ikipe ya Arsenal yari imaze igihe kirekire ititabira imikino ya UEFA Champions league yisanze mu tsinda rya kabiri isangiye n’amakipe arimo Sevilla FC yo muri Espagne yatwaye igikombe cya UEFA Europa League mu mwaka ushize.
Iri tsinda kandi ririmo amakipe ya PSV yo mu Buholandi na Lens yo mu Bufaransa.
Itsinda rya gatandatu ririmo amakipe ya PSG yo mu Bufaransa, Borussia Dortmund yo mu Budage, AC Milan yo mu Butaliyani na Newcastle United yo mu Bwongereza ni ryo ryafashwe nk’iry’urupfu.
Manchester City yatwaye Champions League mu mwaka ushize yisanze mu tsinda rya karindwi isangiye n’amakipe ya Leipzig yo mu Budage, Orvena na Yung Boys, mu gihe FC Barcelona imaze imyaka ibiri itagera muri â…› cy’irangiza yisanze mu tsinda rya munani.
Ni itsinda ririmo FC Porto yo muri Portugal, shaktar yo muri Ukraine na Antwerp yo mu Bubiligi.
Uko tombola yose yagenze
