Champions Leagues: Reba uko amakipe yatomboranye kuzahura n’igihe azakinira muri 1/8

Mu gihe hari hashize iminsi hategurwa irushanwa rya Champions League, abantu benshi bari bategereje kureba uko amakipe azahura mu mikino ya 1/8 cy’irushanwa.

Kuri uyu wa Mbere tariki ya 11 Ukuboza 2017, hakaba hasohotse urutonde rw’amakipe azitabira iri rushanwa ndetse n’uko azagenda ahura, Chelsea ikaba izahura na Barcelona, Tottenham igahura na Juventus mu gihe Sevilla igomba kuzahura na Liverpool.

Ihangana rikomeye hagati y’ibihangange

Tombola ya 1/8 ya champions League isize ihangana rikomeye ku bihangange muri ruhango, Cristiano Ronaldo azaba ahanganye na Neymar Junior, Lionel Messi na Eden Hazard, Hary Kane na Gonzalo Hugain

Muri tombola yaberaga i Nyon muri Switzerland, aho amakipe 8 yabaye aya mbere mu matsinda yari ahereyemo yari gutomborwa n’andi makipe 8 yabaye aya kabiri mu matsinda yari ahereyemo, ni kunshuro ya mbere igihugu kimwe cyari gihagarariwe n’amakipe 5 muri tombola ya 1/8 cya champions League (Manchester United, Manchester City,Chelsea fc, Liverpool FC na Tottenham Hotspur), yose yo mu gihugu cy’Ubwongereza.

Ikipe yabaye iya kabiri itangira umukino wa mbere iwayo igasoreza hanze bityo bigaha amahirwe amakipe yabaye aya mbere kwakira umukino wo kwishyura imbere y’abafana bayo. Mu matsinda ya Champions league habonetsemo ibitego 306 aho ibyinshi byihariwe n’ikipe ya Paris Saint Germain.

Iyi tombola ibaye ku nshuro ya 8 kuva irushanwa ryakwitwa UEFA Champions league, mbere ryitwaga Europeans Cup, iri rushanwa rikaba ryarihariwe cyane n’ikipe ya Real Madrid yo muri Espagne ari nayo iheruka kuryegukana kabiri yikurikinanya, biteganyijwe ko umukino wa nyuma uzaba umwaka utaha ku tariki ya 26 Gicurasi 2018 kuri stade NSK Olimpiyski iherereye I Kiev umurwa mukuru wa Ukraine,iyi Stade ifite imyanya 70050.

Imikino ibanza iteganyijwe kuba ku matariki 13,14, 20 na 21 Gashyantare 2018 naho imikino yo kwishyura izaba ku matariki ya 6,7,13 na 14 Werurwe 2018.

[xyz-ihs snippet=”google-pub”]
Dore uko amakipe yari ahagaze mbere ya tombola:
Amakipe yabaye ayambere( atomborwa)

1. Manchester United
2. Manchester City
3. Tottenham United
4. Liverpool FC
5. PSG
6. FC Barcelona
7. Bayern Munich
8. As Roma

Amakipe yabaye aya kabiri (atombora)

1. Juventus FC
2. FC Bale
3. FC Porto
4. Seville FC
5. Real Madrid FC
6. Shaktar doneksk
7. Besktas
8. Chelsea FC

Amwe mu mategeko agenga iyi tombola:

• Nta kipe yemerewe gutombora indi kipe biva mu gihugu kimwe
• Nta kipe yemerewe gutombora indi kipe zose zarabaye izambere mu matsinda zari ziherereyemo
• Nta kipe yemerewe gutombora ikipe bari bari mutsinda rimwe

Dore uko amakipe yatomboranye muri UEFA Champions League 1/8

1. Juventus vs Tottenham Hotspur
2. FC Basel vs Manchester City
3. FC Porto vs Liverpool FC
4. Sevilla FC vs Manchester United
5. Real Madrid FC vs PSG
6. FC Shakhtar Donetsk vs As Roma
7. Chelsea FC vs FC Barcelona
8. Besiktas IK vs FC Bayern Munchen

Kanda hano ujye ubona amakuru yihuse kandi kugihe kuri Facebook no kuri twitter

Bwiza.com