Umunyarwenya akaba n’umukinnyi wa filime Clapton Kibonge n’umukunzi we Ntambara Jacky berekanywe mu rusengero mu rwego rwo gutangira imyiteguro ya nyuma y’ubukwe bwabo. Iki gikorwa cyabereye mu rusengero rwa Healing Center Church ruherereye i Remera mu Mujyi wa Kigali, aho bakiriwe na Rev. Muhigwa Emmanuel.
Aba bombi bamaze imyaka umunani babana, bakaba barafashe icyemezo cyo gushyira umubano wabo ku rwego rwemewe n’amategeko n’idini. Tariki 21 Gashyantare 2026 ni bwo Clapton yambitse Jacky impeta y’urukundo, amwambika isezerano ryo kumubera umugore we, undi abyemera.
Amakuru avuga ko imyiteguro y’ubukwe bwabo igeze kure, aho biteganyijwe ko ubukwe buzabera mu Karere ka Nyagatare District ku wa 4 Mata 2026.
Clapton Kibonge azwi cyane mu Rwanda mu mwuga w’urwenya no gukina filime. Yagaragaye muri filime zitandukanye zirimo Seburikoko, ndetse yakoze n’izindi nka Umuturanyi na Mugisha na Rusine.
