Umunyapolitiki utavuga rumwe n’ubutegetsi bwa Uganda, Col. Dr. Kizza Besigye yibasiye Perezida Yoweri Museveni mu mafoto atandatu, avuga ko agomba kuva ku butegetsi.
Aya mafoto ahurijwe hamwe Dr. Besigye yashyize ku rubuga rwa Twitter, agaragaza Perezida Museveni ari kumwe n’abaperezida batandukanye bayoboye Leta Zunze Ubumwe z’Amerika.
Nta byinshi Besigye yayavuzeho keretse kugira ati: “Ikibazo cy’Afurika…Ni yo mpamvu…#PlanB #Art3 #M7mustGo.”
Aya mafoto agaragaza aho Perezida Museveni yifotoreje hamwe na Ronald Reagan wayoboye USA kuva mu 1981 kugeza mu 1989, George Herbert Walker Bush wayoboye iki gihugu kuva mu 1989 kugeza mu 1993, Bill Clinton wamusimbuye akava ku butegetsi mu 2001,
George Walker Bush wasimbuye Clinton, akayobora USA kuva mu 2001 kugeza mu 2009, Barack Obama wayoboye kuva mu 2009 kugeza mu 2017 na Donald Trump uyoboye kuva mu 2017, akazageza muri Mutarama 2021.
Perezida Museveni Besigye avuga ko agomba kuva ku butegetsi, yayoboye Uganda kuva 1986. Bombi bazwi nk’abantu bahanganye igihe kirekire muri politiki, kuko bakurikiranaga mu majwi inshuro enye zose bahatanye mu matora y’Umukuru w’Igihugu.
2 Responses
Col. Dr. Besigye yibasiye Perezida Museveni mu mafoto atandatu
murama gwintare gako
Col. Dr. Besigye yibasiye Perezida Museveni mu mafoto atandatu
murama gwintare gako