Umuraperi w’Umunyamerika Rick Ross na Diamond Platnumz ukomoka muri Tanzaniya, batangiye umushinga wo gufata amashusho y’indirimbo bakoranye.
Mu cyumweru gishize, Diamond yafashe rutemikirere yerekeza muri Amerika kwitabira ibitaramo byatangiwemo n’ibihembo “African Muzik Magazine Awards (afrimma)” anaboneraho no gukora amashusho y’indirimbo nshya yakoranye na Rick Ross.
[xyz-ihs snippet=”google-pub”]
Abicishije ku rukuta rwe rwa Twitter, Diamond nta bintu byinshi yatangaje, ahubwo yafashe ifoto ye ari kumwe na Rick Ross n’undi musore, yandikaho amagambo agira ati “umushinga mushya” ndetse anashyira video kuri Instagram, we na Rick bari imbere ya camera barimo gufatwa amashusho.
Mbere yo kwerekeza i Miami muri Leta ya Florida, gukora amashusho y’iyo ndirimbo, Diamomd yaririmbiye mu gace ka Dallas kari mu mujyi wa Texas, ku cyumweru tariki ya 8 Ukwakira 2017, muri ibi birori bya AFRIMMA.
Kugeza ubu, Diamond na Rick Ross barimo kwamamaza uruganda rukora inzoga rwa “Luc Belaire” hamwe n’icyamamare Dj Kaled. Umushinga wo gukorana indirimbo ukaba waratangiye ngo umunsi Dj Kaled yakurikiraga Diamond ku rukuta rwe rwa Instagram.
Diamond nk’umuhanzi ukomeje kwamamara ku mugabane wa Afurika n’ahandi ku isi, yakoranye indirimbo n’icyamamare cyo muri Amerika, Ne-yo bayita ‘Merry you’, yakoranye iyo bise “Kidogo” n’itsinda P-Square na ryo ubu rikorera umuziki muri Amerika n’izindi yakoranye n’ibindi byamamare nka Flavour, Davido, Iyanya,…
Kanda hano ujye ubona amakuru yihuse kandi kugihe kuri Facebook no kuri twitter
Kalawo M.Eliezer/Bwiza.com
