Didier Ratsiraka wayoboye Madagascar imyaka irenga 20, mu gitondo cy’uyu wa 28 Werurwe 2021 yapfuye nyuma y’iminsi itandatu yari amaze arwariye mu bitaro bya gisirikare bya Soanivandriana.
Indwara yishe uyu musaza w’imyaka 84 ntabwo iratangazwa gusa Jeune Afrique dukesha iyi nkuru ivuga ko Ratsiraka yagiye muri ibi bitaro tariki ya 22 Werurwe, icyo gihe akaba yari arwaye ibicurane byoroheje.
Abaganga baketse ko uyu musaza yaba arwaye icyorezo cya Covid-19 baramupima, basanga ntacyo arwaye.
Didier Ratsiraka yayoboye Madagascar inshuro ebyiri: iya mbere kuva mu mwaka w’1975 kugeza mu 1993 no kuva mu 1997 kugeza mu 2002.
Kurikira ibiganiro n’amavidewo binyura kuri Bwiza TV
