Ubuyobozi bukuru bw’akarere ka 34 ka gisirikare ka FARDC bwatangaje ko i Walikale hafatiwe abayobozi babiri ba Wazalendo bashinjwa kugira uruhare mu bikorwa by’ingeso mbi n’urugomo byagize ingaruka zikomeye ku baturage b’abasivili.
Abo ni abiyise abajenerali barimo Kirikicho Mirimba, uzwi ku izina rya Mwana Mayi, wo mu mutwe wa COPACO (Coalition of Patriot muri Congo), na Musubao Kalimba, uzwi ku izina rya Kasilasi nk’uko bitangazwa na ACTUALITE.CD.
Nk’uko byatangajwe n’igisirikare, ngo abo bayobozi bombi bitwaje imbunda batawe muri yombi bazira “imyitwarire idahwitse kandi idakunda igihugu” idahuye n’ubutumwa bw’abakorerabushake bashinzwe kurengera igihugu (VDP), bagomba gushyigikira ibikorwa byo kurinda igihugu.
