Guverineri wa Gisirikare w’Intara ya Kivu y’Amajyaruguru wari mu Mujyi wa Butembo kuva ku mugoroba wo ku wa Gatandatu, itariki ya 5 Nyakanga 2025, aho yakiriwe n’umuyobozi w’uyu mujyi, Komiseri Mukuru muri polisi, Roger Mowa, hamwe n’umuyobozi w’ingabo muri Lubero, Colonel Alain Kiwewa Mitela, ndetse n’abandi bayobozi baho.
Abanyamakuru bagejejweho amakuru ajyanye n’imirwano iherutse kuba hagati y’ihuriro rya FARDC-UPDF n’umutwe wa Mai-Mai uvuga ko ari Wazalendo, ufite icyicaro gikuru i Baswagha, cyane cyane i Muhola.
Guverineri Maj. Gen. Somo Kakule Evariste yasobanuye uko ibintu bimeze nk’uko iyi nkuru dukesha urubuga rwa mediacongo.net ivuga.
Guverineri wa Kivu y’Amajyaruguru yabisobanuye agira ati: “Ku muhanda wa Musienene-Buyinga, ntabwo ari ibikorwa bya gisirikare byo kurwanya VDP (Abakorerabushake mu kurinda igihugu/ Wazalendo), bafatanya na FARDC. Ahubwo, habayeho kurasana n’abantu bitwaje intwaro zitemewe n’amategeko bashaka guhagarika ibikorwa bya gisirikare bikomeje.”
Ibisobanuro bya Guverineri wa Gisirikare byasaga nk’ibisubiza rubanda nyuma y’ibibazo byerekeranye no kumenya niba iyo mirwano yongeye gutuma abaturage b’abasivili bata ibyabo ikenewe.
