Muri Tshopo, Gen. Timothée Mujinga, yahamagajwe i Kinshasa, asimburwa nka Komanda w’akarere ka 31 ka Gisirikare na Gen. Abdallah Nyembo, wahoze ayoboye ingabo ku rugamba muri Grand Nord mu kurwanya inyeshyamba za M23, muri Teritwari ya Lubero (Kivu y’Amajyaruguru).
Azafashwa na Brig. Gen. Kasongo Mululba (ushinzwe ibikorwa n’ubutasi) na Gen. Kongolo Fabrice (ushinzwe ubuyobozi n’ibikoresho).
Muri Maniema, Brig. Gen. Mwaku Mbuluku Daniel yahawe kuyobora akarere ka 33 ka Gisirikare. Ashinzwe kandi guhuza uturere tugenzurwa na FARDC muri Kivu y’Amajyepfo.
Muri Haut-Katanga, mu karere ka 22 ka gisirikare, umwanya w’umuyobozi wungirije ushinzwe ibikorwa n’ubutasi gusa ni wo wahindutse: Brig. Gen. Jean-Claude Bonganda afata ubuyobozi. Muri Kongo-Central, akarere ka 12 ka gisirikare ubu kayobowe na Gen. Mbiyi Ngoy Jacques.
Hashyizweho kandi abayobozi no mu turere tw’imirwano.
Brig. Gen. Mugisa Joseph ubu ayoboye ibikorwa bya Sukola 1 muri Grand Nord na Front Nord (Kivu y’Amajyaruguru), ku murongo wambere urwanya M23.
Muri Kivu y’Amajyepfo, Col. Kisembo Benjamin yoherejwe mu bikorwa bya Sukola 2, ifite icyicaro muri Uvira, ahandi hantu h’imivurungano mu burasirazuba bw’igihugu.
Iri vugurura ryerekana icyifuzo cyo kongera ingufu mu gisirikare mu turere twugarijwe cyane, mu gihe ibintu bikomeje kuba bibi cyane mu burasirazuba bwa Repubulika ya Demokarasi ya Congo.
