Mahakama ya Nyarugenge ya Kati imemhukumu Fatakumavuta kifungo cha miaka miwili na nusu gerezani pamoja na faini ya milioni 1.3 za Faranga za Rwanda, baada ya kupatikana na hatia kwa makosa kadhaa ikiwa ni pamoja na kusambaza uvumi wa uongo, matumizi ya dawa za kulevya, na kashfa.
Uamuzi huo ulitangazwa tarehe 13 Juni 2025, baada ya kusomwa kwa hukumu kuahirishwa kutokana na sikukuu ya Eid al-Adha. Mwendesha mashtaka alikuwa amemshtaki Fatakumavuta kwa makosa manne, lakini mahakama ilimtia hatiani kwa matatu kati ya hayo.
Mahakama ilibaini kwamba kosa la kutukana hadharani halikumuhusu, kwa kuwa maneno aliyosema kuhusu msanii The Ben hayakuchukuliwa kama matusi makubwa kulingana na mila na utamaduni wa Rwanda.
Hata hivyo, kuhusu matumizi ya dawa za kulevya, ushahidi uliwasilishwa ulionekana wa kutosha, na pia alipatikana na hatia ya kusambaza habari za uongo pamoja na kutoa kashfa.
Awali, alitazamiwa kuhukumiwa miaka mitano gerezani na kulipa faini ya milioni 1.3, lakini adhabu hiyo ilipunguzwa baada ya baadhi ya waathiriwa, akiwemo The Ben, kusema mahakamani kuwa wamemsamehe.
Fatakumavuta na mawakili wake wamepewa siku 30 za kukata rufaa endapo hawajaridhika na uamuzi wa mahakama.
