Mu mukino wa shampiyona y’icyiciro cya kabiri, Gicumbi FC itwaye igikombe itsinze Etoile de l’Est iyigwa mu ntege penaliti 14 kuri 13.
Umukino warangiye amakipe yombi anganya ibitego 2-2 birimo icyo Mudahemuka Claude na Gahamanyi Bonifaceba Etoile batsinze ku munota wa 28 n’uwa 90 n’icyo Dusange Bertin na Okenge Lulu Kevin ba Gicumbi FC batsinze ku munota wa 44 n’uwa 62.
Nyuma yo kubura ikipe itwara igikombe mu minota 90 y’umukino no mu nyongera, byabaye ngombwa ko yombi atera penaliti, bigera muri 13 atarakiranuka. Penaliti ya 14 Gicumbi FC yinjije ni yo yayihesheje igikombe.
Ku rundi ruhande, Heroes FC yegukanye umwanya wa gatatu itsinze Amagaju FC kuri penaliti 5-4 nyuma y’aho amakipe yombi yari yarangije umukino anganya igitego 1-1.
