Umukandida w’ ishyaka riharanira Demokarasi no kurengera ibidukikeje, Dr Frank Habineza yabwiye abaturage bo mu murenge wa Shyira, akagari ka Mpinga umudugudu wa Vunga mu karere ka Nyabihu ko azakora bakagira imibereho myiza ndetse akazakora ibishoboka hakabaho gira Girinzu musirikare girinzu mupolisi .
Ku gicamunsi cyo kuri uyu wa 19 Nyakanga 2017 nibwo Dr Frank Habineza yagiye mu Karere ka Nyabihu kwiyamamazayo, umuhango watangijwe na Niyibizi Louis, Umunyamabanga Nshingwabikorwa w’umurenge wa Shyira, wanahaye ikaze abarwanashyaka ba Green Party, aho yagize ati”Nubwo muhabona ari mu misozi, umutekano ni wose mwicare mutuze, kuko muri hano mu buryo bwemewe n’amategeko ndetse mwumve ko nta kizinga.”
“Muvuge imigabo n’imigambi yanyu muvuge akabari ku mutima, abaturage ni bo bazihitiramo umukandida ubanogeye.”
[xyz-ihs snippet=”google-pub”]
Mu ijambo rye yagejeje ku baturage bari aho, Dr Frank Habineza yagarutse ku bantu bahembwa urusenda kandi bafatiye runini sosiyete nyarwanda nka mwalimu, muganga, umupolisi n’umusirikare bose bazazamurwa mu mishahara ndetse bakanashyirirwaho izindi gahunda zo kubazamura mu mibereho ya bo nko gushyiraho gahunda ya girinzu.
Yagize ati “Hazubakwa amazu meza arimo n’amashuri ndetse n’ibitaro ku buryo umusirikare cyangwa umupolisi azabaho neza n’umuryango we.”
“Usanga umugabo w’umusirikare cyangwa umupolisi amara amezi 3 cyangwa 4 atarabonana n’umuryango we kuko azaba akorera Nyabihu, Musanze n’ahandi kandi yarasize umuryango we mu mujyi wa Kigali, ibyo ntibizongera kubaho.”
Yagize ati”tuzamera nko mu Buhinde kuko ho haba umusoro umwe gusa, bityo tuzashyiraho umusoro umwe gusa kandi ujye usorerwa buri gicuruzwa ku rwego rwa cyo aho kugira ngo abacuruzi bazakomeze bahunge igihugu badahunze politiki mbi cyangwa umutekano mucye ahubwo bahunga imisoro.”
Uyu mukandida yashimiye uburyo yakiriwe n’abaturage bo muri aka gace kuko kuri we ngo byasibanyanyije ibihe bitari byiza yari amaze iminsi agirira ku zindi site zo kwiyamamarizaho.
[xyz-ihs snippet=”google-pub”]
yabijeje kandi ko nibaramuka bamutoye azakora ibishoboka akajya abageraho aho kugira ngo abe afite icyicaro i Kigali ye kumenya ibikorerwa mu cyaro.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
