Abasirikare b’u Rwanda bari mu butumwa bwo kugarura amahoro muri Repubulika ya Centrafrique Afrique, bambitswe imidari y’ishimwe bashimirwa akazi gakomeye bakoze.
Abasirikare bambitswe iyi midari ejo ku wa Gatanu barimo abaganga (Level II Hospital) ndetse n’abo mu tsinda rya kane rijya ku rugamba (Rwanda Battle Group IV).
Aba bari bamaze igihe mu butumwa wy’umuryango w’Abibumbye bwo kugarura amahoro muri Centrafrique (MINUSCA) bakoreraga ahitwa ahitwa Bria ho mu ntara ya Haute-Kotto.
Imidari bahawe bayambitswe mu rwego rwo kubashimira ku bw’akazi gakomeye bakoze ko kugarura amahoro n’ituze muri Centrafrique.
Lt Gen Daniel Sidiki Traoré ukuriye ingabo za MINUSCA ni we wambitse abasirikare b’u Rwanda imidari, abashimira akazi bakoze kajyanye n’inshingano zikubiye mu butumwa barimo.
Lt Gen Daniel Sidiki nk’uko RDF yabitangaje, yashimiye by’umwihariko abasirikare b’abaganga bavuye bagenzi babo bari mu butumwa bw’amahoro bwa MINUSCA, ndetse na serivisi z’ubuvuzi baha abatuye muri Haute-Kotto.
