Umugabo w’imyaka 38 wo mu Karere ka Huye akurikiranweho Ubushinjacyaha gusambanya umwana wa mushiki we w’imyaka 5 y’amavuko.
Icyaha uregwa akurikiranyweho n’Ubushinjacyaha ku rwego rwisumbuye rwa Huye ngo cyakozwe mu gihe cya saa mbiri z’amanywa ku wa 28 Ukuboza 2021 mu mu Mudugudu wa Nyamikaba, Akagari ka Buhoro, Umurenge wa Karama, mu Karere ka Huye, amusanze mu cyumba yari aryamyemo nk’uko byavuzwe n’umwana yasambanyije
Ubushinjacyaha Bukuru dukesha iyi nkuru buvuga ko uregwa yavuze ko ubwo yari amaze kubaha igikoma we na murumuna we yamujyanye ku buriri araraho aramusambanya, akavuga ko yabitewe n’amadayimoni.
Nyuma yo gukora ayo mahano, uregwa yahise atoroka afatwa ubwo yari agarutse.
Icyaha cyo gusambanya umwana akurikiranyweho kiramutse kimuhamye yahanishwa igifungo cya burundu , hashingiwe ku biteganywa mu ngingo ya 4 y’itegeko Nº 69/2019 ryo ku wa 08/11/2019 rihindura Itegeko nº 68/2018 ryo ku wa 30/08/2018 riteganya ibyaha n’ibihano muri rusange
