Mu rwego rwo kwizihiza isabukuru ye y’imyaka 50 y’ amavuko, umuhanzi w’ umunyarwanda Ismail Ufiteyezu umenyerewe ku izina rya Marechal Degaulle umaze imyaka akorera ku mugabane w’ I Burayi yateguye igitaramo cya muzika.
Iki gitaramo cy’ imbaturamugabo, Marechal Degaulle yise « Jubilee Concert » kizabera mu Bubiligi mu murwa mukuru w’ iki gihugu I Brussels.
[xyz-ihs snippet=”google-pub”]
Amakuru agera kuri Bwiza.com yemeza ko iki gitaramo kizaba ku Cyumweru ku itariki 16 Ukuboza 2017 gitangire saa tatu za nijoro, mu nzu mberabyombi ya AA Dock’s ku muhanda nimero 1070.
- Degaulle ati” Nshimira Uwiteka nyir’ ingabo[ Gihangamana…], mu nzira zose yancishijemo nizera ko agiye kurushaho kumfasha gukomeza urugendo ndushaho kunoza inshingano zanjye n’ umurimo wanjye kugirango uzagirire n’ abandi akamaro”.
Jean Paul Samputu, Ben Kayiranga,Dj. Djhakhobo,Gaju, B Jack, M LA Lambert, Ras Kassim wo muri Holly Jah Doves, Ras Katanga , Ingangare Crew , Imisozi 1000 Band ni bamwe mu bahanzi bazitabira iki gitaramo kigamije kwifuriza umuhanzi Degaulle yubile y’ imyaka 50 amaze avutse.
Olivier Nzaramba, Fabrice na Intare baririmba indirimbo ziramya ndetse zinahimbaza Imana nabo biyemeje gufatanya na Degaulle muri uyu munsi we udasanzwe.
Si abo gusa kuko iki gitaramo kizanitabirwa n’ ibyamamamare mu kuvanga muzika aho mu Burayi nka Dj. Selecta, Dj. Clement, Francis Kappe ndetse na Ras Katanga.
Jean Paul Samputu nk’ umwe mu bahanzi bakoranye ndetse banabanye na Marechal Degaulle yadutangarije uburyo babanye ndetse ni ukuntu bahora bafatanya mu bikorwa byabo by’ ubuhanzi bya buri munsi.
Agira ati” Degaulle ni umuntu twakoranye mu bihe bitandukanye mufata nk’ inshuti ndetse ni umuvandimwe nta kindi rero usibye kumwifuriza ineza mu buzima bwe kuko nzi ko afite impano nyinshi muri we kandi zishobora no kurushaho kugirira abandi akamaro.
Degaulle aherutse kumvikana ku itariki ku itariki ya 27 Gashyantarer 2016, ubwo yataramiraga Abanyarwanda n’ Abarundi ari kumwe na Kidum na Big Farious mu Mujyi wa Bruxelles ahitwa La Bodega.
Ku izina nyaryo ,Ismail Ufiteyezu , umuhanzi Marechal Degaule ni umuririmbyi ndetse n’ umubyinnyi w’ icyamamare azwi kuva imbere ya jenoside yakorewe Abatutsi mu Rwanda ubwo yari mu bahanzi b’ Imena bari bagize Orchestre Ingeli ku Gisenyi.
Kanda hano ujye ubona amakuru yihuse kandi kugihe kuri Facebook no kuri twitter
Gaston Rwaka/Bwiza.com
