Kuri uyu wa Kane, itariki 08 Werurwe, Ibihugu Byunze Ubumwe by’Abarabu (UAE) byafunguye ambasade yabyo I Kigali mu Rwanda nyuma yo gushyira umukono ku masezerano y’ubufatanye.
Ni mu muhango wari uhagarikiwe na minisitiri w’ububanyi n’amahanga wa UAE, Nyiri Icyubahiro, Sheikh Abdullah Bin Zayed Bin Sultan Al Nahyan ndetse na minisitiri w’ububanyi n’amahanga w’u Rwanda, Louise Mushikiwabo.
Mbere yaho, kuwa 07 Werurwe 2018, U Rwanda n’Ibihugu Byunze Ubumwe by’Abarabu byagiranye ibiganiro hagati y’aba baminisitiri b’ububanyi n’amahanga bombi, ibiganiro byasojwe hashyirwa umukono ku masezerano y’ubwumvikane (MoU) mu bijyanye n’ubufatanye mu bya tekiniki.
Ibihugu byunze Ubumwe y’Abarabu bikaba byaremereye u Rwanda buruse 20 z’abanyeshuri zo kuzajya kwigayo kaminuza, ndetse no gutanga amasomo mu bijyanye n’ubumenyingiro ku Banyarwandakazi 100 mu bijyanye n’ubukerarugendo n’amahoteli.
Kanda kuri SUBSCRIBE ujye ubona ibiganiro n’indirimbo bishya
