Ubutegetsi bwa Kinshasa buravugwaho gukomeza ibitero byibasira ibice bituwe cyane n’abaturage b’inzirakarengane nubwo bwihanangirijwe inshuro nyinshi.
Itangazo ryashyizwe ahagaragara n’ihuriro rirwanya ubutegetsi, AFC/M23, rivuga ko “Ijoro ryose ryo ku itariki ya 4 kugeza ku ya 5 Kamena 2026, guhera saa moya z’ijoro kugeza saa kumi n’ebyiri za mu gitondo, ihuriro ry’ingabo zabwo zateye ibisasu mu duce dutuwe cyane twa Gakenke, Bidegu, na Mikenke mu misozi miremire ya Minembwe.”
Iri tangazo rikomeza rivuga ko hakoreshejwe drone za kamikaze na drone zo mu bwoko bwa KT-1 / KT-6.
AFC-M23 yongeye gushimangira ko izakomeza kurinda umutekano w’abaturage b’abasivili n’umutungo wabo.
