Igiciro gishya cy’ibikomoka kuri peteroli giherutse gutangazwa na RURA cyatangiye kubahirizwa kuri uyu wa Kane, itariki 04 Nyakanga 2019, aho litiro ya essence itagomba kurenza amafaranga 1080, mu gihe litiro ya mazutu itagomba kurenza amafaranga 1,072.
Ubuyobozi bw’Ikigo cy’igihugu gishinzwe imirimo ifitiye igihugu akamaro, RURA, buvuga ko izi mpinduka zifitanye isano n’ihinduka ry’ibiciro by’ibikomoka kuri peteroli ku rwego mpuzamahanga.
Mu kwezi kwa Gicurasi nibwo RURA yari yatangaje ibiciro bishya by’ibikomoka kuri peteroli, aho litiro ya Essance yari yagiye ku mafaranga 1096 mu gihe iya mazutu yari yashyizwe ku mafaranga 1091.
