Ingabo za Somalia hamwe n’imitwe yitwara gisirikare ikorana nazo zishe nibura abarwanyi 20 ba al Shabaab mu mijyi yo hagati mu gihugu, nk’uko umuyobozi w’akarere na Minisiteri y’itangazamakuru babitangaje kuri uyu wa Gatatu .
Minisitiri w’itangazamakuru muri leta ya Galmudug, Ahmed Shire Falagle, yavuze ko mu mirwano yakurikiyeho hagati y’izo mpande zombi, ingabo n’iyo mitwe yitwaje intwaro zafashe El Gorof na Wabho, imijyi yari imaze imyaka igera ku 10 igenzurwa na al Shabaab.
Avugana na Reuters yagize ati: “Nta mirwano ikaze yabaye. Al Shabaab yirukanwe irakurikiranwa. Al Shabaab yarahunze, isiga intwaro ndetse n’abarwanyi 20 bapfuye”.
“Twiyemeje kubohoza imijyi yose iyobowe na al Shabaab. Ubwo twabakurikiranaga, batandatu mu basirikare bacu bakomeretse.”
Falagle yavuze ko yemera ko abarwanyi ba al Shabaab batwaye bamwe mu barwanyi babo bapfuye.
Minisiteri ishinzwe amakuru muri guverinoma nkuru yatangaje ko umubare w’abarwanyi ba al Shabaab bapfuye ugera kuri 50.
Al Shabab ntabwo yahise igerwaho kugirango igire icyo ivuga kuri iyo mirwano.
