Mu gihe abantu benshi bakunda gushyira ubuzima bwabo bwite ku mbuga nkoranyambaga, harimo n’urukundo rwabo, abahanga bagira inama yo kugira ibanga urukundo. Si byiza gusangiza buri kantu kose ku mbuga kuko bishobora kugira ingaruka mbi ku mubano.
Ubushakashatsi bugaragaza ko kubika ibanga ry’urukundo bifasha:
1. Kurinda abantu bo hanze kwivanga: Urukundo ni urwa babiri, si ngombwa ko buri wese amenya ibyanyu byose.
2. Kwirinda amagambo y’abantu: Hari abatanga ibitekerezo bishingiye ku marangamutima yabo, bishobora kubabera intandaro y’amakimbirane.
3. Kugirana umubano ukomeye: Iyo muri babiri gusa, murushaho kumenyana no kwizerana.
4. Kurinda urukundo imbere y’abarugirira ishyari: Hari ababifuriza ko mutandukana. Iyo batazi ibyanyu byose, ntibabona aho bahera.
5. Guhangana neza n’ibibazo: Iyo habayeho gutandukana, ntibiba ikibazo kinini ku mbuga nkoranyambaga cyangwa mu muryango.
Nubwo kwerekana urukundo rwawe si bibi, ni ingenzi kumenya igihe n’uko ubikora. Ibyo mutumvikanyeho, mwabiganiraho hagati yanyu aho kubishyira hanze. Urukundo rufite ibanga rufite amahirwe menshi yo kuramba.
