Indege yo mu bwoko bwa Antonov 26 yari itwaye abasirikare ba Congo Kinshasa, yakoze impanuka ihita ifatwa n’inkongi y’umuriro.
Iyi ndege yakoreye impanuka ku kibuga cy’indege cya Mavivi, Teritwari ya Beni muri Kivu y’Amajyaruguru, kuri uyu wa Mbere tariki ya 24 Ukuboza 2018, Umucamanza mu rukiko rukuru rwa gisirikare, Colonel Kumbu Ngoma wageze aho iyi mpanuka yabereye akaba yatangaje ko abasirikare bayikomerekeyemo.
Ikinyamakuru Actualitecd cyo muri Congo, gitangaza ko aba basirikare bari muri iyi ndege bavuye gutanga ubufasha kuri bagenzi babo muri aka gace ka Beni, ikaba yaturukaga mu gace ka Kitona, yaciye Kinshasa na Kisangani.
Iyi ndege ngo yari itwaye abasirikare 65 hamwe n’abapilote n’abatekinisiye bose hamwe bane. Abakomeretse bagera kuri 28 bajyanye kuvurirwa ku bitaro bikuru bya Beni
