Igisirikare cy’u Burundi, FDNB, cyatangaje ko cyungutse abakomando bashya 230 kuri uyu wa 4 Gashyantare 2023.
Aba bakomando bagaragaje ubumenyi bakuye mu myitozo y’amezi atatu, by’umwihariko ubw’ibikorwa byihariye bya gisirikare, banahabwa impamyabushobozi.
Umuhango wo gusoza amasomo wabereye mu kigo cya gisirikare cya Gitega kuri uyu wa 4 nk’uko FDNB yabyemeje iti: “Abakomando bashya 230 b’icyiciro cy’134 bahawe impamyabushobozi kuri uyu wa 4/2/2023 i Gitega nyuma y’amezi atatu bari mu masomo.”
FDNB yatangaje ko itewe ishema na bo, kandi ko ibitezeho gukoresha neza ubumenyi bahawe mu gihe bari mu kazi.
