Amakuru agera kuri BWIZA aremeza ko inyeshyamba zibarirwa mu 4,000 zo mu mitwe ya P5 irwanya ubutegetsi bw’u Rwanda, zamaze kugera i Mulenge mu ntara ya Kivu y’Amajyepfo nyuma yo gusoza imyitozo zari zimaze igihe zikorera mu Burundi.
Amakuru avuga ko kuri uyu wa Gatandatu tariki ya 4 Mata ari bwo ziriya nyeshyamba zageze ahitwa ku Ndondo, mu misozi miremire.
Andi makuru iki gitangazamakuru cyamenye, ni uko bariya barwanyi bagiye nta ntwaro zihagije bafite, kubera ko izo bari kwitwaza zahiriye mu nkongi y’umuriro iheruka kwibasira ikigo cya gisirikare cya Camp Base cyo ku Musaga, mu mujyi wa Bujumbura.
Ni intwaro zari zimuriwe muri kiriya kigo zivanwe mu kigo cya gisirikare cya Mwaro, kugira ngo zijyanwe muri Congo Kinshasa.
Amakuru kandi avuga ko muri kiriya kigo hanahiriyemo drone nyinshi zo mu bwoko bwa CH-4 ndetse n’izindi mbunda zikomeye hamwe n’imyambaro y’abasirikare.
Amakuru BWIZA yamenye yemeza ko abarwanyi ba P5 nyuma yo kugera i Mulenge bakiriwe Lt. Nyamusalaba Alexis wo mu mutwe wa Gumino usanzwe ukorana na Leta ya RDC, ndetse akaba yakoranaga bya hafi na P5 ibarizwamo umutwe wa RNC wa Kayumba Nyamwasa.
One Response
Ndayishimiye ahirwe n’uru rwanko afitiye u rwanda, yew bimuhire pe, un bidon d’hommes, plein de haine