Inzego z’ ubutasi z’ u Bufaransa zishinjwa guhitana abaperezida 22 ba Afurika

8

Kuva muri 1963, Abaperezida 22 ba Afurika barishwe u Bufaransa bugatungwa agatoki ko bubyihishe inyuma, ko bubaziza kutubahiriza amasezerano bagiranye ndetse banabangamira inyungu z’ iki gihugu cy’ igihangange.
Ibi bikorwa by’ ubugome byagiye bikorerwa aba baperezida bo ku mugabane wa Afurika bishinjwa inzego eshatu z’ ubutasi zifite ubunararibonye mu guhirika ubutegetsi (Coup- d’ Etats).
Izo nzego ni SDECE, DGSE ndetse na DST zizwiho guhirika ingoma nyinshi muri Afurika zihereye ku baperezida bishe amasezerano y’ imikoranire bagiranye n’ u Bufaransa.
Urwego rwa mbere ni SDECE(Service de Documentation exterieure contre l’ Espionage) rushinzwe kuyobya no gupfobya amakuru yose ya politiki, ubwicanyi n’ ibindi bifitanye isano byatuma uruhare rw’ u Bufaransa bugaragara mu byaha by’ intambara, ibyibasira inyokomuntu ndetse na jenoside bikorewe hanze y’ igihugu.
[xyz-ihs snippet=”google-pub”]
Urwego rwa kabiri ni DGSE rushinzwe ubutasi mpuzamahanga no kugenzura ibikorwa n’ imyitwarire y’ abaperezida ba Afurika mu gihe cyose bitwaye nabi (kutubaha u Bufaransa…) bafatirwa ibyemezo birimo kwicwa no guhirikwa ku butegetsi.
Urwego rwa gatatu DST(Direction de la Securit Nationale) ishinzwe umutekano w’ igihugu no hanze cyane cyane harimo no guhangana n’ iterabwoba rishobora guturuka mu mahanga.
DST ikorana bya hafi cyane na Leta y’ u Bufaransa kuko raporo zayo zose zitangwa mu nzego za polisi zo hejuru mu rwego rw’ igihugu.
Iyi politiki yakozwe n’ u Bufaransa kuva kera ubwo Gen. Charle De Gaulle yategekaga agaharanira ko igihugu cye cyarushaho kuba igihangange bityo Afurika ikaguma ihetswe mu mugongo.
Ibi byatewe n’uko u Bufaransa bwari bwarakolonije ibihugu byinshi bya Afurika bituma no muri Loni ibona ijambo rinini nyuma y’ intambara y’ Isi ya 2 ya 1940- 1945.
Izi nzego z’ iperereza zose uko ari eshatu zigamije guharanira inyungu z’ ubukungu z’ u Bufaransa kuko kimwe na Leta Zunze za Amerika iki gihugu cyemera ko iyo ukize uba ufite imbaraga bityo ushobora kwirinda ukoresheje abanyantege nke babishaka batanabishaka.
Amabuye y’ agaciro n’ ibindi bikomoka ku mutungo kamere nibyo u Bufaransa bushaka muri Afurika iyo abaperezida banze kubibaha ku neza birumvikane baba bahisemo kwicwa.
KANDA HANO: Ubone bamwe mu baperezida 22 u Bufaransa bushinjwa kwivugana
Kanda hano ujye ubona amakuru yihuse kandi kugihe kuri Facebook no kuri twitter
Assumpta Gema/Bwiza.com
 
 

Musubize:

Tanga igitekerezo
Andika amazina