Muri Iran kuri uyu wa Gatandatu, itariki 28 Kamena 2025, habaye imihango yo gushyingura abantu bagera kuri 60, barimo abayobozi ba gisirikare n’abahanga mu by’ingufu za kirimbuzi, bishwe mu ntambara yamaze iminsi 12 na Israel.
Amasanduku azengurukijwe ibendera rya Iran, ariho amashusho y’abayobozi b’ingabo bishwe yari akikijwe n’imbaga y’abantu hafi ya Enghelab Square i Tehran.
Amakimbirane yarangijwe no guhagarika intambara mu ntangiriro z’iki cyumweru, nyuma y’uko Amerika igize uruhare mu buryo butaziguye mu gutera ibisasu ahantu Iran yakoreraga ubushakashatsi ku ngufu za nikeleyeri.
Bagheri yagombaga gushyingurwa hamwe n’umugore we n’umukobwa we baguye mu gitero cya Israel. Muri rusange, abategetsi ba Irani bavuze ko muri Iran abantu 627 bishwe.
Abayobozi ba Israel bi bavuze ko abantu 28 biciwe muri Israel nyuma y’ibitero bya misile bya Iran nk’uko iyi nkuru dukesha BBC ivuga.
Hossein Salami, wari Umugaba Mukuru w’Ingabo zishinzwe kurinda Impinduramatwara ya Kisilamu, n’abahanga mu by’ingufu za kirimbuzi barimo Mohammad Mehdi Tehranchi, Umuyobozi wa Kaminuza ya Azad i Tehran, na bo bari mu bashyinguwe.
