Bidasubirwaho, ikipe ya Rayon Sports yatangaje ko umunsi ngarukamwaka wayo uzwi nka Rayon Day uzaba ku wa Gatanu, tariki ya 15 Kanama 2025, ukabera kuri Stade Amahoro i Remera.
Uyu munsi uzasozwa n’umukino wa gicuti ukomeye uzahuza Rayon Sports na Young Africans SC yo muri Tanzania, umukino wiswe “uw’Amatsinda”, bitewe n’ubucuti n’amateka yihariye hagati y’aya makipe yombi.
Ubuyobozi bwa Rayon Sports bwatangaje ko amatike y’uyu mukino azatangira kugurishwa ku wa Mbere, tariki ya 21 Nyakanga 2025, mu buryo bw’ikoranabuhanga.
Rayon Sports Day ni umwe mu minsi ikomeye cyane ku bafana b’iyi kipe, aho bahurira hamwe bagahimbaza amateka n’iterambere ryayo binyuze mu birori n’umukino w’ikirenga.
