Uwahoze ari umuyobozi w’u Bushinwa, Jiang Zemin, wageze ku butegetsi nyuma y’imyigaragambyo ya Tiananmen Square, yapfuye afite imyaka 96 .
Ibitangazamakuru bya Leta byavuze ko yapfuye nyuma ya saa sita i Shanghai kuri uyu wa Gatatu nk’uko iyi nkuru dukesha BBC ivuga.
Umwe mu bantu bakomeye mu mateka y’u Bushinwa mu myaka ya vuba aha, yayoboye igihe u Bushinwa bwakinguriraga imiryango yabwo Isi ku rugero runini kandi bukabona iterambere ryihuse.
Urupfu rwe ruje mu gihe Abashinwa bari mu myigaragambyo ikomeye cyane itarigeze ibaho kuva ku yabereye i Tiananmen mu 1989, aho benshi bigaragambije banga ingamba zikakaye zo kwirinda Covid.
Ishyaka rya gikomunisiti ry’Abashinwa ryatangaje ko yapfuye azize indwara ya leukemia no kunanirwa kw’ingingo nyinshi.
