Minisiteri ishinzwe umutekano mu gihugu cya Amerika yatangaje kuri uyu wa Kane, itariki 22 Gicurasi, ko yambuye Kaminuza ya Harvard uburenganzira bwo kwandika abanyeshuri b’abanyamahanga, ibyo iyi kaminuza ivuga ko bitemewe kandi bibangamiye intego zayo.
Perezida wa Leta Zunze Ubumwe za Amerika, Donald Trump yagaragaje uburakari bwe kubera ko Harvard yanze icyifuzo cye kwiga neza ku binjira ndetse no kugenzura abakozi nyuma yo kuvuga ko iyi kaminuza ari ikigo cy’ibitekerezo birwanya Abayahudi ndetse n’ingengabitekerezo “y’ivanguramoko”.
Umunyamabanga wa Leta ushinzwe Umutekano w’igihugu, Kristi Noem, yanditse mu ibaruwa yandikiye ikigo cya Ivy League cyatanze ibihembo byitiriwe Nobel 162 yagize ati: Uhereye uyu munsi, Gahunda ya Harvard University’s Student and Exchange Visitor (SEVIS) ivanweho,”
Leta ya Amerika ishinja Harvard ‘kwibasira abanyeshuri b’Abayahudi’
Noem yanditse ati: “Nkuko nabasobanuriye mu ibaruwa yanjye yo muri Mata, ni amahirwe yo kwandikisha abanyeshuri b’abanyamahanga.”
Yongeyeho ati: “Bitewe no kuba mwaranze gukurikiza ibyifuzo byinshi byo guha Minisiteri ishinzwe umutekano mu gihugu amakuru afatika mu gihe mukomeje gukorera mu mwuka udatanga umutekano muri campus utari mwiza ku banyeshuri b’abayahudi, guteza imbere kugirira impuhwe Hamas, no gukoresha politiki y’ivangura ……. mwatakaje aya mahirwe.”
Noem yatangaje kandi ko ingamba zafatiwe Harvard zigomba “kuba umuburo kuri kaminuza zose n’ibigo by’amashuri byo mu gihugu.”
Umunyamabanga ushinzwe umutekano mu gihugu yavuze ko Harvard ishobora kugarura ubushobozi bwo kwakira abanyeshuri b’abanyamahanga mu gihe urutonde rw’amakuru y’abanyeshuri b’abanyamahanga mu masaha 72 ari imbere.
Iki cyifuzo gisaba inyandiko zose, zirimo amajwi cyangwa amashusho, y’abanyeshuri b’abanyamahanga bitabiriye imyigaragambyo cyangwa ibikorwa biteye akaga muri campus.
Noem yongeyeho ati: “Ubu buyobozi bufata Harvard nka nyirabayazana kubera kurebera urugomo, kwanga Abayahudi, no gufatanya n’iIshyaka rya gikomunisiti ry’Abashinwa muri campus zayo.”
Icyemezo cya Harvard muri gahunda yo guhanahana abanyeshuri cyahaye ishuri ubushobozi bwo gufasha abanyamahanga kubona visa no kwiga muri iri shuri muri Amerika.
Harvard yiyemeje gufasha abanyeshuri b’abanyamahanga
Kaminuza ya Harvard yateye utwatsi ibirego bya guverinoma ivuga ko izashyigikira abanyeshuri b’abanyamahanga.
Harvard yagize iti: “Igikorwa cya guverinoma nticyemewe.” “Iki gikorwa cyo kwihorera kibangamiye cyane umuryango wa Harvard ndetse n’igihugu cyacu, kandi kibangamira ubutumwa bwa Harvard bwo kwigisha n’ubushakashatsi.”
Iyi kaminuza yongeyeho ko yiyemeje kwigisha abanyeshuri mpuzamahanga.
Ibi biravugwa mu gihe abanyeshuri ba Harvard bagera ku 6.800, barenga kimwe cya kane cy’abanyeshuri bose biga muri iki kigo, baturutse hanze y’Amerika mu mwaka wa 2024/2025.
