Abarinzi ba Minisitiri w’Intebe wa Repubulika ya demukarasi ya Congo (RDC), Michel Sama Lukonde, bagaragaye bahondagurana n’abadepite bo ku rwego rw’intara ya Kinshasa.
Umunyamakuru w’Umunyekongo Stanys Bujakela yatangaje ko uru rugomo rwabaye kuri uyu wa 6 Gashyantare 2023 ubwo aba badepite bari bagiye kwigaragambiriza ku biro bya Minisitiri w’Intebe.
Uyu munyamakuru yashyize ku mbuga nkoranyambaga videwo y’amasegonda 52 yumvikanamo gutongana kw’abarinzi ba Minisitiri w’Intebe n’abadepite.
Nk’uko bigaragara, bigera aho abarinzi bibasira bamwe muri aba badepite, bagaterana amakofe ndetse n’imitwe, bivanze n’urusaku rwinshi.
Ntabwo icyatumye aba badepite bajya kwigaragambiriza ku biro bya Minisitiri w’Intebe kiratangazwa.
