Ibirindiro bigera ku 10 by’imitwe yitwaje intwaro muri Kivu y’Amajyepfo byigaruwe mu 2022 n’ingabo za Repubulika ya Demokarasi ya Congo (FARDC) ku mpande zitandukanye, nk’uko umuvugizi w’ibikorwa bya Sukola 2 mu majyepfo, Lt. Marc Elongo, yabitangarije ku wa Kabiri muri Uvira mu kiganiro yagiranye na ACP .
Umuvugizi wa Sukola 2 yagize ati: “Mu 2022, imitwe myinshi yitwaje intwaro irimo Mai-Mai Kijangala n’abafatanyabikorwa babo, umutwe witwaje intwaro wa Gumino-Twirwaneho, FNL / Burundi, Red-Tabara n’abandi bakubiswe n’ingabo z’indahemuka, FARDC.”
“Uturere twinshi n’ibyicaro bikuru by’iyo mitwe yitwaje intwaro byarigaruriwe mu misozi miremire ya Fizi, Uvira na Mwenga, cyane cyane muri Namapa, Bijabo na Shakira Koweti byari byarigaruriwe na Gumino-Twirwaneho na Nabombi, ahahoze ari icyicaro gikuru cy’uwiyise General Nzambapema , uyu munsi uri mu bwihisho mu mashyamba ya Itombwe, hagati y’uturere twa Fizi na Mwenga, ”nk’uko byavuzwe na Lieutenant Marc Elongo.
“Kugeza ubu turimo tubona iterambere mu bikorwa. Task Force igizwe n’ingabo za Repubulika ya Demokarasi ya Congo (FARDC) n’ingabo z’igihugu cy’u Burundi (FNDB), iri mu turere twa Bijombo na Minembwe “, ibi ni ibyo Lt Elongo yatangaje yongeraho ko izi ngabo zigamije gukurikirana imitwe yitwaje intwaro y’abanyagihugu n’iy’abanyamahanga.
