Umucamanza Iain Bonomy uzayobora urubanza rwa Kabuga Félicien ukurikiranweho uruhare muri Jenoside yakorewe Abatutsi mu 1994, kuri uyu wa 8 Uguhyingo 2020 yatangaje ko barahurira bwa mbere mu rukiko rw’i La Haye ejo bundi ku wa Gatatu, tariki ya 11.
Nk’uko Me Bonomy uri mu bacamanza b’urwego rwa IRMCT rw’Umuryango w’Abibumbye rwasigariyeho Urukiko Mpuzamahanga Mpanabyaha rwashyiriweho u Rwanda (ICTR/Arusha) yabitangaje, impamvu izatuma ahura na Kabuga ni ukugira ngo amuhuze n’umujyanama we imbonankubone, ariko ngo nabyifuza hazakoreshwa ikorabuhanga rya video-conference.
Kabuga Felicien yafashwe na Polisi y’u Bufaransa, mu mujyi wa Paris tariki ya 16 Gicurasi 2020. Ubushinjacyaha bumurega gutera inkunga itegura n’ishyirwa mu bikorwa rya jenoside.
