Repubulika Iharanira Demokarsi ya Congo, irasaba ingabo z’umuryango w’Abibumbye zimaze imyaka 20 ku butaka bwayo, kuba zazinze utwazo zigasubira mu bihugu ziturukamo bitarenze mu 2020.
Minisitiri w’ububanyi n’amahanga muri Repubulika Iharanira Demokarasi ya Congo, Leonard She Okitundu, yahamirije itangazamakuru ko Leta yamenyesheje akanama gashinze umutekano ko nta yandi masezerano bakongera kugirana na Loni ngo zongererwe igihe, ko zigomba gusubira iwabo nyuma y’imyaka 20 zari zihamaze.
Izi ngabo zinjiye muri Congo mu 1998 ubwo hari intambara itoroshye abaturage basaga miliyoni 13 bakeneye ubufasha, ubu izi ngabo zikaba zigomba kuhava mu gihe amatora ari imbere arangiye dore ko hakekwa ko ashobora kuba yakurura imvururu mu gihe Perezida Kabila yaba yanze kuva ku butegetsi.
Izi ngabo zikaba zifite umukoro wo kurinda abaturage kugeza muri Werurwe 2019. MONUSCO ifite abasirikare babungabunga amahoro n’umutekano 16,215 n’abapolisi hafi 1,450 muri iki gihugu.
Kanda kuri SUBSCRIBE ujye ubona ibiganiro n’indirimbo bishya
