Umunya-Argentine Lionel Messi yongeye kugaragaza ko izina rye rizahora ku gasongero k’ubuhangangange muri ruhago, ubwo yahigikaga mugenzi we bakinana muri PSG Kylian MbappĂ© maze akegukana igihembo cy’umukinnyi mwiza w’umwaka wa 2022 ndetse kikaba n’igihembo cya 77 yegukanye nk’umukinnyi ku giti cye.
Hari mu birori by’akataraboneka byo guhemba abakinnyi b’indashyikirwa ba ruhago i byaberaga Paris mu Bufaransa; bitegurwa n’impuzamashyirahamwe y’umupira w’amaguru ku Isi FIFA.
Mu bihembo byatangwaga harimo icy’umukinnyi mwiza mu bagabo n’abagore, umutoza mwiza mu bagabo n’abagore, igitego cyiza, abafana bahize abandi, uwerekanye ‘Fair Play’ ndetse n’umuzamu mwiza wa FIFA mu bagabo n’abagore.
Ibi bihembo byatangwaga ku nshuro ya 7 kuko batangiye kubitanga kuva muri 2016 ubwo FIFA yitandukanyaga n’ikinyamakuru cyo mu Bufaransa ‘France Football’ mu gutanga Ballon d’Or.
Kuri iyi nshuro ya 7, FIFA yahembye Lionel Messi nk’umukinnyi mwiza wa 2022 ahigitse Abafaransa babiri ari bo Kylian MbappĂ© bakinana muri PSG na kapiteni wa Real Madrid,Karim Benzema.
Abari bahanganiye ibihembo byatanzwe, kuri ubu biganjemo Abanya-Argentina begukanye igikombe cy’Isi cyabereye muri Qatar 2022 ndetse n’ikipe y’igihugu y’u Bwongereza y’Abagore yegukanye Euro.
Lionel Messi w’imyaka 35 ageze kuri ibi nyuma y’uko yitwaye neza cyane muri 2021/2022 kuko yatwaye igikombe cy’Isi anaba Umukinnyi mwiza wacyo ndetse akaba yari yaranatwaye Copa America, unashyizeho igikombe cya shampiyona y’icyiciro cya mbere mu ‘Bufaransa Ligue 1’.
Dore abandi begukanye ibihembo_Amafoto
Lionel Messi ni we wegukanye igihembo nyamukuru cya ‘FIFA The Best’
Lionel Scaloni utoza Argentina ni we wegukanye igihembo cy’umutoza mwiza 2022
Emiliano Martinez ni we wegukanye igihembo cy’umuzamu mwiza 2022
Umunya-Espagnekazi ukinira FC Barcelona, Alexia Putellas ni we wegukanye Ballon d’Or mu cyiciro cy’abagore
Sarina Wiegman utoza ikipe y’igihugu y’u Bwongereza y’Abagore ni we wegukanye igihembo cy’umutoza mwiza wa 2022 mu cyiciro cy’abagore
Umwongelezakazi ukinira Man United, Mary Earps ni we wegukanye igihembo cy’umuzamu mwiza mu cyiciro cy’abagore
UmunyaPologne ukinira Warta Pozna? Marcin Oleksy yakoze agashya ko kuba ari we watsinze igitego cyiza ‘Puskas award’ kandi afite ubumuga.
Abafana n’ikipe b’igihugu ya Argentina gihembo cy’abafana beza
Umunya-Georgia Luka Lochoshvili, ukinira US Cremonese ni we wegukanye igihembo cy’uwagize Fair Play
Ikipe y’umwaka bwa mbere uhereye muri 2007 itarimo rurangiranwa Cristiano Ronaldo.
Uko abakinnyi bakurikiranye mu majwi
