Abasirikare 46 bo muri Cote d’Ivoire batawe muri yombi ku ya 10 Nyakanga 2022 bafatiwe muri Mali bashobora kugezwa imbere y’urukiko rw’i Bamako, kuri uyu wa Kane, itariki ya 29 Ukuboza, nyuma y’amasezerano yasinywe hagati ya Mali na Côte d’Ivoire .
Amakuru yaturukaga ku nkombe za Djoliba i Bamako kuri uyu wa Gatatu ushize yavugaga ko abasirikare ba Cote d’Ivoire bafungiye i Bamako kuva ku ya 10 Nyakanga 2022 bashobora kuburanishwa kuri uyu wa Kane, itariki ya 29 Ukuboza 2022.
Nk’uko ibitangazamakuru byaho bitangaza aya makuru bibitangaza, urugereko rw’ibirego rw’urukiko rw’ubujurire rwa Bamako rwohereje uru rubanza kugira ngo ruburanishwe.
Nyamara, intumwa za Cote d’Ivoire ziyobowe na Minisitiri w’Ingabo, Téné Birahima Ouattara, zari zasinyanye amasezerano n’ubuyobozi bwa Mali, ku ya 22 Ukuboza, imbere y’umuhuza w’Umunyetogo, tutitabagiwe ko n’Umuryango w’ubukungu bw’ibihugu bya Afurika y’Iburengerazuba (ECOWAS) wari wahaye Mali nyirantarengwa y’itariki ya 31 Ukuboza yo kuba yarekuye aba basirikare yafashe nk’abacanshuro bavuga ko bakorera Umuryango w’Abibumbye.
Ibiganiro hagati y’impande zombi byongeye gusubukurwa ku ya 22 Ukuboza i Bamako, hagati y’abategetsi ba Mali n’intumwa za Cote d’Ivoire ziyobowe na Minisitiri w’ingabo, Téné Birahima Ouattara, wari uherekejwe na Fidèle Sarassoro, umuyobozi mukuru w’ibiro bya Perezida Ouattara akaba n’umunyamabanga nshingwabikorwa w’Inama y’umutekano y’igihugu (CNS).
