Ikipe ya Manchester United kuri uyu wa Mbere yirukanye Umuholandi Erik Ten Hag wari umutoza wayo mukuru.
Uyu mugabo wari umaze imyaka ibiri n’igice atoza iriya kipe ifite ibikombe byinshi mu Bwongereza, yirukanwe kubera umusaruro mubi.
Manchester United nyuma y’umunsi wa cyenda wa Premier league iri ku mwanya wa 14 n’amanota 11.
Ten Hag w’imyaka 54 yirukanwe mu gihe mu mpeshyi y’uyu mwaka yari yongerewe amasezerano yo gukomeza gutoza Manchester United kugeza muri 2026.
Ni Manchester yamwongereye amasezerano mu gihe mu mwaka w’imikino ushize Manchester United yasoje ku mwanya wa munani, umwanya mubi yaherukaga kugira muri shampiyona mu 1990.
Kuri ubu Man United iri ku mwanya wa 14 mu gihe mu mpeshyi y’uyu mwaka yashoye abarirwa muri miliyoni 200 igura abakinnyi.
