Uwabaye umunyamabanga wa Leta wa Leta Zunze Ubumwe za Amerika, Mike Pompeo, yinjiye mu nama njyanama y’uruganda rwa gisirikare rwa Ukraine rwitwa Fire Point, ruzwi cyane kubera drones zishobora kugera kure cyane zirasa mu ntera ndende mu gihugu cy’u Burusiya. Ibi bibaye mu gihe urwo ruganda rukiri gukorwaho iperereza ry’inyerezwa ry’imitungo no mu micungire y’amasezerano.
Fire Point iri kubaka urundi ruganda muri Denmark ruzakora ibikoresho bya roketi by’ingenzi, ndetse ikaba iri kuzana abantu bakomeye mu ruganda rw’inganda za gisirikare kugira ngo bafashe mu kunoza uburyo ikora no kongera icyizere cyayo.
Iri koraniro rishya ry’inama njyanama riyobowe na Mike Pompeo ryatangajwe ku wa 12 Ugushyingo. Abayobozi bavuze ko biri mu rwego rwo kwerekana ko uruganda ruri gukura kandi rushaka gukorera mu mucyo.
Nubwo ruri gutera imbere, Fire Point iracyari mu iperereza rijyanye no: gukora drones nke kurusha iziri muri raporo, ibihuha byo kuba ifite imikoranire n’umufatanyabikorwa w’umukuru w’igihugu Zelenskyy, Tymur Mindich, uvugwaho ruswa.
Abayobozi ba Fire Point bahakana ibi birego, ndetse bavuga ko bashyizeho isosiyete mpuzamahanga yigenga ikora igenzura ryimbitse kuri ibyo biciro n’umusaruro wabo.
