Minisitiri w’Uburezi, Dr Uwamariya Valentine yatangaje ko abanyeshuri barimo abagaragaye mu mashusho baca amakayi n’impuzankano y’ishuri mu rwego rwo kwishimira ko barangije ibizamini bya Leta, bazashakishwa bahanwe.
Mu mashusho yasakaye ku mbuga nkoranyambaga harimo igaragaza abanyeshuri bambaye impuzankano imwe bizihiwe, baririmba, babyinira ku makayi bigiragaho bayashwanyaguje.
Hari irindi shusho rigaragaza umukobwa wicaye ashagawe na bagenzi be, agenda aca amakayi ye, ata impapuro mu muriro. Agerekaho amagambo agira ati: “Nidusubira ku ishuri, tuzongera twandike. Abarimu bazaba barapfuye?”
Muri iyi videwo humvikanamo mugenzi we umubwira ati: “Ntabwo uzarata rata! Twika! Rata umuntu arase yasubirayo akandika.”
Ku rundi ruhande, hagaragaye andi mafoto y’abanyeshuri baciye impuzankano zabo, nabo mu rwego kwishimira ko barangije ibi bizamini.
Minisitiri Uwamariya mu kiganiro yagiriye kuri televiziyo y’igihugu kuri uyu wa 30 Nyakanga 2021, yabajijwe niba ntacyo Minisiteri ayobora izakora kuri iyi myitwarire bamwe bavuga ko idahwitse, asubiza ati: “Ubundi umunyeshuri wese ugaragayeho amakosa, haba hari amategeko ngengamikorere y’ishuri agena ibihano. Aba ngaba rero baritwaza yuko barangije, bakumva yuko bakora ibyo bishakiye, ariko barirengagiza ko hari ibyangombwa batarahabwa ku buryo n’ubundi bagikeneye kwegera ishuri.”
Yavuze ku gukurikirana aba banyeshuri bagahabwa, ati: “Icyo rero duteganya mu burezi ni uko tuzakurikirana aba bana tukamenya abo ari bo, hanyuma hakazateganywa n’ibihano bazahabwa.”
Minisitiri Uwamariya avuga ko no mu mwaka ushize hari abigeze kugaragaraho imyitwarire nk’iyi, batumwa ababyeyi babo, baragawa, bacibwa amande, utarayatanze yimwa impamyabumenyi ye.
Uyu muyobozi yavuze ko ibyagaragaye ku mbuga nkoranyambaga ari bike ugereranyije n’ibyabaye, kuko hari raporo nyinshi yakiriye zigaragaza imyitwarire nk’iyi. Ngo bagiye gukorana n’ubuyobozi bw’ibigo by’amashuri, bubafashe gukusanya amakuru, hanyuma abo bizagaragara ko bakoze aya makosa bahanwe.
4 Responses
MINEDUC yavuze ko abanyeshuri barangije ‘Icya Leta’ bagaca amakayi n’impuzankano bazahanwa
Abo si abanyeshuri ni ibirara bikwiye guhanwa byihanukiriwe.
Bajyanwa mu bigo ngororamuco, ibyo bakoze uyu mwaka bikaba imfabusa, bamara kugirorwa bagasubira mu mwaka w’ishuri bari barimo kandi bahinduriwe ibigo aho bishoboka.
MINEDUC yavuze ko abanyeshuri barangije ‘Icya Leta’ bagaca amakayi n’impuzankano bazahanwa
Abo si abanyeshuri ni ibirara bikwiye guhanwa byihanukiriwe.
Bajyanwa mu bigo ngororamuco, ibyo bakoze uyu mwaka bikaba imfabusa, bamara kugirorwa bagasubira mu mwaka w’ishuri bari barimo kandi bahinduriwe ibigo aho bishoboka.
MINEDUC yavuze ko abanyeshuri barangije ‘Icya Leta’ bagaca amakayi n’impuzankano bazahanwa
Abo si abanyeshuri ni ibirara bikwiye guhanwa byihanukiriwe.
Bajyanwa mu bigo ngororamuco, ibyo bakoze uyu mwaka bikaba imfabusa, bamara kugororwa bagasubira mu mwaka w’ishuri bari barimo kandi aho bishoboka bagahindurirwa ibigo barimo.
MINEDUC yavuze ko abanyeshuri barangije ‘Icya Leta’ bagaca amakayi n’impuzankano bazahanwa
Abo si abanyeshuri ni ibirara bikwiye guhanwa byihanukiriwe.
Bajyanwa mu bigo ngororamuco, ibyo bakoze uyu mwaka bikaba imfabusa, bamara kugororwa bagasubira mu mwaka w’ishuri bari barimo kandi aho bishoboka bagahindurirwa ibigo barimo.