Mu gitondo cyo kuri uyu wa Kane, itariki 9 Mata 2026, Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, yakiriye Umunya-Sénégal Gen. Babacar Faye, wahoze mu Ngabo zari mu butumwa bw’Amahoro bwa Loni mu Rwanda (MINUAR) mu gihe cya Jenoside yakorewe Abatutsi.
Gen. Faye yaje mu Rwanda mu rwego rwo kwifatanya n’Abanyarwanda kwibuka ku nshuro ya 32 ndetse yanatanze ikiganiro mu Nama Mpuzamahanga ku Kurwanya Jenoside, yahuriranye n’igikorwa cyo kuzirikana imyaka 30 y’urugendo rw’Umuryango IBUKA.
Ibiganiro byabo byagarutse ku kamaro ko gushyira imbaraga mu bikorwa byo kubika ibimenyetso by’amateka no gukomeza kurwanya ingengabitekerezo ya Jenoside.
