Kandidatire y’utavuga rumwe n’ubutegetsi muri Repubulika ya Demokarasi ya Congo, Moà¯se Katumbi, kuri uyu wa Gatatu, itariki ya 4 Ukwakira 2023, yashyikirijwe komisiyo yigenga y’amatora (CENI) nk’uko tubikesha 7sur7.cd.
Uyu wahoze ari Guverineri wa Katanga utagiye ubwe mu mujyi wa Kinshasa, yari ahagarariwe n’intumwa z’ishyaka rye rya politiki, Ensemble pour la République, kuri iyi nshuro ryajyanye inyandiko z’umwimerere muri dosiye nk’uko byari byasabwe na CENI.
Nk’uko byatangajwe na Me Hervé Diakiese, umuvugizi w’uyu mutwe wa politiki, Moà¯se Katumbi arashaka guhagarika intambara mu burasirazuba bw’igihugu, kurwanya ruswa no guteza imbere uruhare mu micungire y’ibibazo bya leta namara gutorwa.
Twabibutsa ko Moà¯se Katumbi ari umukandida wa 8 ku mwanya perezida watanze kandidatire muri Komisiyo yigenga y’amatora. Kandidatire ye igiye isanga iya Matata Ponyo, Adolphe Muzito, Rex Kazadi, Constant Mutamba na Denis Mukwege.
Igikorwa cyo gutanga kandidatire mu matora ya perezida yo mu Kuboza 2023 kizasozwa ku itariki ya 8 Ukwakira.
