Iturika rihambaye rya gaz mu murwa mukuru wa Kenya, Nairobi, ryahitanye nibura abantu batatu rikomeretsa abagera kuri 300.
Umuvugizi wa guverinoma yavuze ko ikamyo yari itwaye gaz yaturikiye mu karere ka Embakasi ahagana mu ma saa 23h30 (20h30 GMT), “iteza ikibatsi gikomeye cy’umuriro”.
Amazu, ubucuruzi n’imodoka hafi aho byangiritse, aho amashusho yashyizwe ahagaragara yerekana umuriro ugurumana hafi y’amagorofa.
Aka gace kagoswe kandi hakomeje iperereza ku cyateye iryo turika.
BBC ivuga ko iri kumva ko byibuze umuntu umwe yatawe muri yombi kubera ibyabaye.
Guverinoma yari yabanje kuvuga ko iturika ryabereye mu ruganda rwa gaz aho abakozi barimo kuzuza gaz mu macupa, ariko nyuma basobanura ko ikamyo yaturikiye muri parikingi yarwo.
Inkongi y’umuriro yadutse nyuma yahoo bivugwa ko yahagaritswe.
Umuyobozi wa polisi muri Embakasi, Wesley Kimeto, yatangaje ko umwana ari mu bapfuye, yongeraho ko abapfuye bashobora kwiyongera.
Abayobozi bavuga ko abantu bagera ku 271 bajyanywe mu bitaro, harimo nibura abana 25.
Umuyobozi w’Akarere ka Nairobi, Sakaja Johnson, yatangaje ko benshi muri aba bantu bavuwe bakoherezwa mu rugo, ariko byibuze 39 boherejwe mu bindi bigo bafite ibikomere bikomeye.
