Mu mibanire hagati y’abagabo n’abagore, hari uburyo butandukanye bwo kuganira no gutuma umugore akwiyumvamo. Bamwe bavuga ko umugabo atagomba guha umugore agaciro ku murengera, kuko bishobora gutuma atamwitaho uko bikwiye.
Benshi bemeza ko iyo witaye ku mugore birengeje urugero birangira icyubahiro yaguhaga cyiyoyotse, aha hari ingingo zagufasha kwirinda kugwa muri uwo mutego.
1. Irinde kumutaka cyane ku miterere ye
Hari abagabo bakunda gutaka abagore kenshi, ariko ibi bishobora gutuma yumva ko ari we mukuru muri urwo rugendo. Niba abandi bamubwira ko ari mwiza, wowe ntukabe uwo kongeraho. Ibi bituma yibaza impamvu utamubwira neza nka bose.
2. Ntukagire icyo umusaba ngo agushyigikire
Iyo umugabo agerageza gushimwa cyangwa kwemerwa n’umugore, bimwongerera ikizere gikabije. Ni byiza kwifata nk’udashaka kwishimisha gusa ngo umugore akwemere, ahubwo akaba ari we ushaka kumenya uko umwitwaraho.
3. Irinde kumusaba ubushuti bw’igihe kirekire
Umugabo ukwiye kugumana igihagararo, akirinda kugaragaza ko ashaka cyane kugirana n’umugore umubano uhamye. Ibi bituma umugore nawe atekereza ko ashobora kugusaba kugumana ubucuti bwe, aho kuba wowe umwiruka inyuma.
4. Shyira imbere intego zawe
Niba ufite intego cyangwa ibikorwa ukora, ntukabireke ngo ugire umwanya uhagije wo guhora mu rukundo. Gutuma umugore yumva ko adashobora kuba inzitizi ku bikorwa byawe, bimwereka ko uri umunyamwuga kandi wifitiye icyizere.
5. Imyambarire yawe igomba kukubera icyubahiro
Iyo ugiye guhura n’umugore, ni byiza kwambara neza kurusha uko bimenyerewe. Ibi bituma akubonamo umuntu ufite agaciro, bikanamutera kugira irari ryo kugerageza kukwigarurira.
6. Irinde kugaragara nk’ufite ubwoba bwo kureba abandi bagore
Iyo uri kumwe n’umugore, ntukagire ubwoba bwo gutera akajisho ahandi. Ibi bituma yumva ko atari we wenyine ufite agaciro, bityo akumva ko agomba gukora ibishoboka byose kugira ngo agukomeze.
7. Ntukagire ishyari ku bandi bagabo bamwitaho
Umugore mwiza ahora abonwa na benshi, ariko ntibikwiye ko umugabo agaragaza umujinya cyangwa ishyari igihe hari undi mugabo umwitayeho. Kwihagararaho no kwerekana ko ufite icyizere cy’ibyo urimo, bituma akubaha kurushaho.
8. Irinde impaka n’amarangamutima akabije
Iyo umugore atangiye kuganisha ibiganiro ku nzira itari nziza, aho gutongana cyangwa kugira uburakari, ni byiza kwigendera aho kuguma mu mpaka zidafite aho ziganisha. Ibi bituma atangira kukwubaha kurushaho.
9. Ntukagaragaze ko wifitemo inseko no gushaka gushimwa
Umugabo ukomeza kwerekana ko ashaka kwemerwa cyangwa kumenya uko umugore amufata, aba atangiye kwishyira mu mwanya wo kuba umuntu ufite intege nkeya. Ni byiza kwigirira icyizere no kwifata nk’udashishikajwe cyane n’icyo abandi batekereza.
10. Ntugahore uri wawundi
Niba ushaka kuguma mu bitekerezo by’umugore, ni ngombwa ko ugira ubugoryi butari ubwo kwangiza, ahubwo ugahindura imico yawe kenshi. Kujya uhindura gahunda no kugira ibintu bidasanzwe bitungurana, bituma umugore atakubona nk’uworoshye cyane.
