Kuri uyu wa Kabiri, itariki ya 22 Ugushyingo, Umuvugizi wa Guverinoma, Patrick Muyaya, yagiranye ikiganiro n’itangazamakuru kugira ngo arimenyeshe uko umutekano uhagaze mu burasirazuba ndetse n’uko ingabo z’akarere zageze muri Repubulika ya Demokarasi ya Congo .
Ku bwe, guverinoma yita ku bitekerezo by’Abanyekongo, bafite impungenge z’izi ngabo z’amahanga bakurikije ibyabaye mu mka yashize, ashimangira “ubushake bw’umukuru w’igihugu bwo kwemera ko biba kuko ari byo byari ngombwa mu guhangana n’iterabwoba rihuriweho “.
Ati “Urabona nk’urugero ikibazo cya ADF, uburyo gikemurwa ku bufatanye n’ingabo za Uganda kuko ibibazo by’umutekano dufite ari ibibazo byambukiranya imipaka mu buryo bugaragara, mu by’ukuri byari mu mutima utaryarya. Turibwira ubwacu hamwe n’u Burundi muri Kivu y’Amajyepfo, hari imbaraga mbi zibangamiye umutekano w’u Burundi, reka turebe uko dufatanya kubirangiza. Ibi ni ibintu by’agateganyo, ”
Ku bwe, mu by’ukuri, icya ngombwa ni ukumenya ko nta ngabo zizajya gukorera muri Repubulika ya Demokarasi ya Congo, zidafatanyije n’ingabo za RDC kandi izo ngabo zigomba kuba zihafite igihe ntarengwa.
Ati “Murabona ko turi muri gahunda yo kongera ingufu z’ingabo, mwabwiwe gahunda yo gutegura igisirikare, mwabwiwe ibya politiki nshya yo kwirwanaho, ariko kubaka ingabo ni igikorwa gisaba igihe kinshi. Kandi kuri ubu, twatangiye gahunda yo gushaka abasirikare bashya ariko igihe cyo gushaka uru rubyiruko no kubategurira kujya ku rugamba ni amezi 6 kugeza 9 yo kwitegura. Kandi rero, gutegura ingabo mu gihugu nka DRC ni akazi katoroshye, gasaba ingengo y’imari, ariko ni igikorwa twiyemeje ubwacu, aho tuzongera ingengo y’imari buri mwaka …”.
