Urukiko rukuru ntabwo rwaburanishije urubanza rw’ubujurire bw’ubushinjacyaha burega umushoramari w’Umushinwa witwa Wang Yang Jian gusambanya Umunyarwandakazi ku ngufu, yabanje kumuzirika.
Uru rubanza rwagombaga kuba kuri uyu wa 18 Mutarama 2023, aho ubushinjacyaha busaba urukiko rukuru gutesha agaciro umwanzuro urukiko rw’ibanze rwa Nyarugenge rwafashe muri Kamena 2019, ruvuga ko habuze ibimenyetso bihagije byatuma uyu Mushinwa akomeza gukurikiranwa.
Ubushinjacyaha bwageze mu rukiko ndetse n’umunyamategeko wa Jian yari ahari, ariko yasobanuye ko umukiriya we atabashije kuhagera kubera ko arwaye, ndetse ko bagishakisha uzamusemurira mu rubanza.
The New Times ivuga ko urukiko rukuru rumaze kumva izi mpamvu, rwimuriye urubanza tariki ya 15 Werurwe 2023.
Soma inkuru yabanje https://bwiza.com/?Umushinwa-ushinjwa-gusambanya-Umunyarwandakazi-amuziritse-arasubira-mu-rukiko
