Ku gicamunsi cyo kuri uyu wa Gatatu, itariki 18 Werurwe 2026, Perezida Paul Kagame yakiriye David A. Bednar wo mu Itorero Jesus Christ of Latter-day Saints n’intumwa ayoboye bari mu ruzinduko mu Rwanda.
Baganiriye ku ndangagaciro zihuriweho zo gukorera abaturage, hibandwa ku burezi n’iterambere ry’ubukungu n’imibereho myiza.
Itorero Jesus Christ of Latter-day Saints, ni idini rya gikirisitu rifite abayoboke barenga miliyoni 17.5 ku Isi.
Ryashinzwe mu 1830 na Joseph Smith i New York, kandi rifite icyicaro i Salt Lake City, muri Utah. Abanyamuryango bizera Bibiliya n’igitabo cy’Aba-Mormon, bagasingiza Yesu Kristo nk’Umukiza.
