Perezida wa Repubulika ya Uganda akaba n’Umugaba w’Ingabo w’Ikirenga, Yoweri Museveni kuri uyu wa 25 Ukwakira 2021 yahinduye umuyobozi w’umutwe w’igisirikare ushinzwe imyitwarire uzwi nka Military Police.
Uwahawe iyi nshingano nshya ni Maj. Gen. Don Nabasa wari umaze umwaka ayoboye ingabo za Uganda ziri mu butumwa bw’amahoro bw’umuryango wa Afurika yunze Ubumwe (AU) muri Somalia, AMISOM.
Yasimburanye na Brig. Gen. Keith Katungi uratangira kuyobora ingabo za Uganda muri AMISOM guhera kuri uyu wa 26 Ukwakira 2021.
Biravugwa ko izi mpinduka zaba zibayeho bitewe n’ibitero by’iterabwoba bikomeje kugabwa muri Uganda, Gen. Nabasa akaba yizeweho ubushobozi bwo kurwanya ababigaba, ku bufatanye n’izindi nzego zishinzwe umutekano.
